Friendship

MESO ABDO SALE7 M A S 4 EVER
مرحبا بك عزيزي الزائر.
المرجوا منك أن تعرّف بنفسك و تدخل المنتدى معنا.
إن لم يكن لديك حساب بعد, نتشرف بدعوتك لإنشائه

[
Friendship

سبحان الله وبحمده وسبحان الله العظيم

                         كل موضوع يعبر عن رأى صاحبه وليس رأى المنتدى بأكملة        
  Each theme reflects the view of the author and not the view of the entire forum


    ياأمة أومى ..... ومتقعديش "

    شاطر

    Emad

    عدد المساهمات : 21

    ياأمة أومى ..... ومتقعديش "

    مُساهمة من طرف Emad في الخميس أغسطس 13, 2009 6:28 pm

    ياأمة أومى ..... ومتقعديش "



    يـاأمــة أومــى ومـتـقـعـديـش

    ولاّ الإهــانــة مـتـهـمـكـيــش

    قـالـوا عليكى ضايعة وخايبـة

    فى الـعـلــم جـاهلـة ومتنفعيـش

    وشـاطـرة بس فى الهـيــافـــة

    لـكـن فى جـــد مـتـعــرفـيـش

    داحـتـى الــدين مـخـلـّهـوش

    وقـالــوا مـش لازم يـعـيــش

    وقـالـوديـنـا دين إرهـــــــاب

    وعـنـّه بــردوا مـبـتـدفـعـيـش

    وبـــدأوا سـبّ فـى الــرسـول

    بـكـلام جـــارح مـيـتـحكيش

    وطـلـع لى واحد عامل جرىء

    وهـــوّ أصـلا مـيـسـاويـــش

    رســم رسـوم سافلــة وحقيرة

    وقال حريـة.... متحاسبونيـش

    معرفشى ليـه قاعدة وسـاكـتـة

    ياأمـــة أومـى ومـتـسـكـتـيـش

    وعـّــرفـيـهــم مـين هــمّ إحــنا

    دى نـــاس تـخاف مـتختشيـش

    وفكرّيهم بالتاريخ والتاريخ مبيتمحيش

    دا عـن بــلادنــا يـامـا دافـعــنا

    وحــلـفــنا لـيـهــم مـنطـاطيـش

    ويـوم حـطـيـن شـاهـد عـليـهـم

    وعـيـن جـالـــوت مـتتـنـسيـش

    والأنـدلـس لـسـّـه بـتـحـكى

    داغـيـر شـجاعـة طـارق مفيش

    ولـيـه يـاأمـة نـــروح بـعـيــد

    يـوم الـعـبــور لـسـّه معَّدىّ

    وإحـتـفــلاتـــه مـبتنتهيـش

    وفى فـلـسـطـيـن الـشعـب قــال

    روحـى وحـيـاتـى مـش مهمـة...

    لـكـن وطـنـّا لازم يـعـيــش

    وفـى الـعـراق قــامــوا وقـالــوا

    يــا كـل إيــد خـايـنـة قـولـيـلــى

    هـىّ الـخـيــانـــة مـكـفـتـكـيــش

    سـلـّمـتى لـيـه الـعـدو أرضــنا

    قـولـيـلـى لـيـه.... مـتـكـدبـيـش

    أوعى تقولى جــــاى لـحـمــايـة أو حـرية ... متبـــرريش

    وقـــالـــوا نـفـديــك يــا عـــراق

    بـأقــل مـن روحـنـا مـنـفـديــش

    فـى الـعـلـم بـردوا كـُنا الريـادة

    وهـمّ كـانـوا شـيـش وبـيش

    كتب ابن سينا والحسن شاهدة عليهم

    وأســامى تـانيــة ومـتـعـديــــش

    وإســألــوا جـامـعـــات أوربــــا

    يـا أوربـــــا قـولى ومتنكــريش

    مـيـن عـلـَّمـك إزاى تـطـيــرى

    مـيـن عـمـلـُّه جـنـاح م الــريش

    وبـعـد اللى كـنـتى فـيـه يـا أمـة

    غـيــر الإهـانــة مــابتسـمعيـش

    بـس الـغـلـط مـش عـنـدهـــم

    إحـنـا اللى واقـفـيـن مـبنمشيش

    يـا أمــة شـدًّى حـيـلـك شـويــة

    وفـوتـى فـيـهـم ومـتـخـافـيـش

    وصـدقـيـنـى هـتـوصـلى

    وبـُكــرة يـبـقـوا جـنـبـك مـفيـش

    وأن مـهـمـا حـاولــوا يـوّقـفـوكى

    دوسى عليهم وكملى ... ولا انتى مبتتعلميش

    يـا أمــة عـيـشـى راسـك لفوق

    ولـغـيـر ربــك مـتنحنيش

      الوقت/التاريخ الآن هو الإثنين يونيو 25, 2018 12:28 am