Friendship

MESO ABDO SALE7 M A S 4 EVER
مرحبا بك عزيزي الزائر.
المرجوا منك أن تعرّف بنفسك و تدخل المنتدى معنا.
إن لم يكن لديك حساب بعد, نتشرف بدعوتك لإنشائه

[
Friendship

سبحان الله وبحمده وسبحان الله العظيم

                         كل موضوع يعبر عن رأى صاحبه وليس رأى المنتدى بأكملة        
  Each theme reflects the view of the author and not the view of the entire forum


    ياشعبي حبيبي ....أحمد فؤاد نجم

    شاطر

    Emad

    عدد المساهمات : 21

    ياشعبي حبيبي ....أحمد فؤاد نجم

    مُساهمة من طرف Emad في الثلاثاء نوفمبر 10, 2009 2:33 pm

    ياشعبي حبيبي ياروحي يابيبي ياحاطك في جيبي يابن الحلال

    ياشعبي ياشاطر ياجابر خواطر ياساكن مقابر وصابر وعال

    ياواكل سمومك يابايع هدومك ياحامل همومك وشايل جبال

    ياشعبي اللي نايم وسارح وهايم وفي الفقر عايم وحاله ده حال

    احبك محشش مفرفش مطنش ودايخ مدروخ واخر انسطال

    احبك مكبر دماغك مخدر ممشي امورك كده باتكال

    واحب اللي ينصب واحب اللي يكدب واحب اللي ينهب ويسرق تلال

    واحب اللي شايف وعارف وخايف وبالع لسانه وكاتم ماقال

    واحب اللي قافل عيونه المغفل واحب البهايم واحب البغال

    واحب اللي راضي واحب اللي فاضي واحب اللي عايز يربي العيال

    واحب اللي يائس واحب اللي بائس واحب اللي محبط وشايف محال

    واحبك تسافر وتبعد تهاجر وتبعت فلوسك دولار او ريال

    واحبك تطبل تهلل تهبل عشان مطش كوره وفيلم ومقال

    واحبك تأيد تعضض تمجد توافق تنافق وتلحس نعال

    تحضر نشادر تجمع كوادر تلمع تقمع تظبط مجال

    لكن لو تفكر تخطط تقرر تشغلي مخك وتفتح جدال

    وتبدأ تشاكل وتعمل مشاكل وتنكش مسائل وتسأل سؤال

    وعايز تنور وعايز تطور وتعمللي روحك مفرد رجال

    ساعتها حجيبك لايمكن اسيبك وراح تبقى عبره وتصبح مثال

    هبهدل جنابك انت و اللي جابك وهيكون عذابك ده فوق الاحتمال

    وامرمط سعادتك واهزأ سيادتك واخلي كرامتك في حالة هزال

    وتلبس قضيه وتصبح رزيه وباقي حياتك تعيش في انعزال

    هتقبل هحبك هترفض حلبك هتطلع هتنزل هجيبلك جمااااال

    أحمد فؤاد نجم شعر حسني مبارك .. إهداء إلى شعب مصر


    أ
    avatar
    Moon light

    عدد المساهمات : 374

    رد: ياشعبي حبيبي ....أحمد فؤاد نجم

    مُساهمة من طرف Moon light في الخميس نوفمبر 12, 2009 8:16 am


    والله يا أخ emad

    كل ما اقرأ كلام عمنا *أ ف نجم
    افتكر بيت شعري عجيب ومضحك يقول


    ******وإذا الهموم علي الاكتاف اتشعبطت
    فاضحك لها وقل ياأختي انزلي

    بجد مشكور علي مجهودك الرائع

    mahmoud

    عدد المساهمات : 2

    رد: ياشعبي حبيبي ....أحمد فؤاد نجم

    مُساهمة من طرف mahmoud في الثلاثاء ديسمبر 01, 2009 4:32 pm

    oh walla very hard and too heavy

      الوقت/التاريخ الآن هو الإثنين يونيو 25, 2018 12:23 am